هه‌موو گیانم بووه چاو و، له‌وێ بۆ تۆ ده‌گه‌ڕا
له حه‌ز و تاسه وه‌ها پڕ بوو دڵم ، لێی ده‌ڕژا
سه‌ری هه‌ڵدایه‌وه ئه‌و عیشقه که جاران
له که‌ژ و کێوی ده‌دا
له هه‌موو چۆڵی ده‌روونم گوڵی یادت ده‌ڕوا،
ده‌می سه‌د بیره‌وه‌ری پێده‌که‌نی،
عه‌تری سه‌د بیره‌وه‌ری بوو ده‌گه‌ڕا.
هاته بیرم که شه‌وێ
پێکه‌وه له‌و کووچه‌یه بووین
به په‌ڕوباڵی ئه‌وین
کوێیه که دڵگر بوو، ده‌چووین.
له‌سه‌ر ئه‌و جۆگه‌یه ساتێ به وچان دانیشتین.
تۆ هه‌موو ڕازی جیهان مه‌یبوو له نێو چاوی ڕه‌شت
من توابوومه‌وه به‌و تینی نیگای گه‌رم و گه‌شت.
شین و ساماڵ بوو شه‌و و،
هێمن و مه‌ند و ئارام،
به‌ختی گه‌ش پێده‌که‌نی و،
ده‌وری زه‌مان ئه‌سپی ڕام.
مانگه‌شه‌و هێنده نه‌وی،
هێشووه گزنگی له ده‌راو هه‌ڵدێنا
دار هه‌موو ده‌ستی لق و پۆپی به‌ره‌و
مانگی ته‌واو هه‌ڵدێنا.
شه‌و و، کۆڵان و، گوڵ و، ده‌شت و په‌رێز
هه‌موو گوێی دابووه ئاوازی مه‌لی شه‌وئاوێز.
آیه 32مائده:نجات یک جان برابر با نجات کل بشر
و، ,که ,بوو ,تۆ ,هه‌موو ,له ,سه‌د بیره‌وه‌ری ,مه‌ند و ,و ئارام، به‌ختی ,و مه‌ند ,و، هێمن و
درباره این سایت